Maxfiylik siyosati

Ushbu siyosat TEH jamoasi boshqaradigan TEH Social Manager xizmati va Meta platformasidagi TEH Lead Integration / TEH Lead Integration-IG ilovalari doirasida ma’lumotlar bilan ishlashni tushuntiradi. Xizmat TEH’ning vakolatli xodimlari tomonidan ijtimoiy tarmoq hisoblarini boshqarish uchun ishlatiladi.

1. Qanday ma’lumotlar qayta ishlanadi?

• Instagram hisob ma’lumotlari: ruxsat berilgan professional hisob identifikatori va foydalanuvchi nomi.
• Kontent va statistika: post, Reels va Stories identifikatorlari, media turi, havolasi, matni, vaqti va API orqali ruxsat berilgan ko‘rsatkichlar.
• Xabar va kommentlar: tegishli ruxsat hamda funksiya mavjud bo‘lganda, TEH hisobiga yuborilgan murojaat matni, yuboruvchi identifikatori yoki foydalanuvchi nomi va muloqot vaqti. Sinovlarda ushbu ma’lumotlarni olish so‘rovlari ham tekshirilishi mumkin.
• Telegram boshqaruvi: administrator chat identifikatori, yuborilgan buyruqlar, matn va media haqidagi ma’lumotlar.
• Texnik ma’lumotlar: ulanish uchun kirish tokenlari, xizmat holati va xatolarni aniqlash uchun zarur texnik jurnallar.

Ruxsat berilgan API funksiyalari bilan amalda olinadigan ma’lumotlar bir xil bo‘lmasligi mumkin: Meta cheklovlari va hisob sozlamalariga qarab ayrim ma’lumotlar mavjud bo‘lmaydi. Instagram yoki Facebook parolini botga yuborish talab qilinmaydi.

2. Ma’lumotlardan foydalanish maqsadi

Ma’lumotlar hisob ulanishini tekshirish, integratsiyani sinash, kontent va natijalarni ko‘rish, administrator topshiriqlarini bajarish, nosozliklarni aniqlash hamda yoqilgan funksiyalar doirasida mijoz murojaatlarini boshqarish uchun ishlatiladi. Kontent joylash yoki javob yuborish imkoniyati yoqilganda, u vakolatli administrator topshirig‘i yoki tasdiqlangan avtomatlashtirish sozlamalari asosida ishlaydi.

3. Kimlar ma’lumotlarga kirishi mumkin?

Xizmat boshqaruvi TEH’ning vakolatli administratorlariga cheklangan. Meta/Instagram, Telegram va hosting infratuzilmasi tegishli funksiyani bajarish uchun zarur ma’lumotlarni o‘z xizmatlari doirasida qayta ishlaydi. Telegramga yuborilgan boshqaruv xabarlari Telegram infratuzilmasida ham saqlanishi mumkin. Ushbu provayderlarning ishlov berish va saqlash qoidalari alohida amal qiladi; ma’lumotlar O‘zbekistondan tashqarida ham qayta ishlanishi mumkin.

Joriy integratsiyada shaxsiy ma’lumotlarni sotish yoki reklama auditoriyasi sifatida uchinchi tomonlarga uzatish funksiyasi yo‘q. Tashqi AI provayderi orqali xabarlarni qayta ishlash yoqilishidan oldin ushbu siyosat tegishli ma’lumotlar oqimini aks ettirish uchun yangilanadi.

4. Saqlash va himoya

Kirish tokenlari server sozlamalarida cheklangan fayl ruxsatlari bilan saqlanadi. API ulanishlari HTTPS orqali amalga oshiriladi. Telegram boshqaruv buyruqlari administrator chat identifikatori bo‘yicha tekshiriladi. Hech bir texnik tizim mutlaq xavfsizlik kafolatini bera olmaydi.

Ma’lumotning saqlanishi uning turiga bog‘liq: ulanish tokenlari integratsiya ishlashi davomida, texnik jurnallar diagnostika ehtiyoji davomida, administrator xabarlari esa tegishli Telegram chatida saqlanishi mumkin. Joriy botda barcha ma’lumotlar uchun yagona avtomatik o‘chirish muddati sozlanmagan. O‘chirish murojaati kelganda TEH nazoratidagi ma’lumotlar, texnik jurnallar va mavjud zaxira nusxalari alohida ko‘rib chiqiladi; bajarilgan amal va qolgan cheklovlar murojaatchiga tushuntiriladi.

5. Ma’lumotlarni o‘chirish va ulanishni bekor qilish

TEH nazoratidagi ma’lumotlarni ko‘rish, tuzatish yoki o‘chirishni so‘rash uchun info@teh-company.uz manziliga yozing. Xat mavzusida “TEH Social Manager — ma’lumotlarni o‘chirish” deb, matnida tegishli Instagram foydalanuvchi nomi yoki Telegram identifikatori va qaysi ma’lumotni o‘chirish kerakligini ko‘rsating.

Parol, kirish tokeni yoki pasport nusxasini yubormang. Begona shaxs ma’lumotlarini o‘chirib yubormaslik uchun tegishli hisob yoki murojaatga aloqadorligingizni xavfsiz usulda aniqlash kerak bo‘lishi mumkin. Murojaat ko‘rib chiqilgach natija yoki qo‘shimcha zarur qadamlar haqida javob beriladi.

Hisob egasi Instagram yoki Facebook sozlamalaridagi ulangan ilovalar bo‘limidan ilova ruxsatlarini bekor qilishi ham mumkin. Ruxsatni bekor qilish ilgari olingan nusxalarni avtomatik o‘chirmaydi; buning uchun alohida o‘chirish murojaatini yuboring. TEH boshqa platformaning mustaqil saqlaydigan ma’lumotlarini bevosita o‘chira olmaydi; zarur bo‘lsa tegishli platforma vositalaridan foydalanish kerak.

6. Siyosatning yangilanishi

Yangi funksiya, ma’lumot turi yoki xizmat provayderi qo‘shilganda siyosat qayta ko‘rib chiqiladi. Amaldagi matn ushbu sahifada, yangilangan sana bilan e’lon qilinadi.